Nihangyo si Dumalinao Mayor Raul Famor sa tanang barangay officials sa iyang nasakupang barangay nga mag-assign ug mga tanods sa matag eskwelahan kada adlaw aron mapalig-on ang seguridad ug kaluwasan sa mga estudyante.
Segun niya, iyaha na kini nga gipaabot ngadto sa mga opisyales sa Barangay aron matubag ang mga kabalaka sa mga ginikanan kabahin sa seguridad sa ilang mga anak sulod sa tulunghaan ug aron masiguro nga dili mahitabo ang samang mga insidente sa Tacloban City.
Gisaysay sa Mayor, nga dako ug tabang ang presensya sa mga tanod diha sa mga eskwelahan nga walay ika-afford nga mu sweldo ug gwardiya aron mapabilin ang kaluwasan sa mga tinun-an.
Importante usab matud pa ilang presensya sa oras sa pagsulod ug paggawas sa klase sa mga bata aron makatabang sa pagdumala sa trapiko ug pagmintinar sa kahapsay.
Giingon pa niya nga pinaagi sa panagtinabangay sa Local Government Unit ug sa mga kabaranggayan mas masiguro ang luwas ug mas organisadong palibot sa mga pampublikong eskwelahan sa lungsod sa Dumalinao.
