Anaa na karon sa 85% ang completion rate sa gipahigayong rehabilitasyon ug improvement sa Wet Park nga nga himoong Health and Wellness area nga nahimutang sa Barangay Del Carmen, Iligan City.
Gisugdan ang proyekto niadtong katapusan sa Enero 2026 nga gigahinan sa LGU og P10,000,000.00. Gilauman nga hingpit nga mahuman ang unang phase sa Agosto.
Tumong sa maong proyekto nga mahimo kining usa ka madasigong Health and Wellness Area nga adunay outdoor exercise facility ug dulaanan alang sa mga kabataan.
Gawas niini, magsilbi usab kining venue sa nagkadaiyang fitness activities aron ma-decongest o maminusan ang kahuot sa mga nag-jogging sa running track sa Twin Roads sa Barangay San Miguel.
