Gipasabot ni Francis Alava, Head sa EEDMO Cemetery Section, nga ang Diocesan Cemetery Iligan usa ka pribadong kabtangan nga gipadumala sa Diocese ug dili sakop sa Local Government Unit (LGU).
Matud niya, ang Simbahan maoy tag-iya ug responsable sa pagdumala sa maong sementeryo. Dugang ni Alava, kaniadto walay pader ang sementeryo nga walay timailhan sa pagpanag-iya niini, apan karon adunay na nga perimeter wall isip timailhan nga kini usa ka Diocesan Cemetery.
Bisan pa niini, daghan pa gihapon ang wala mahibalo sa maong sistema, maong padayon ang ilang pagpahibalo sa publiko aron mas masabtan ang kahimtang ug pagdumala sa sementeryo.
