Nihimo sa pagbutyag si Cebu City Mayor Archival nga planong mopalit ang local nga kagamhanan sa Dakbayan og mga metal detectors aron nga magamit sa mga pampublikong tunghaan.
Tumong niini mao ang pagpahugot sa seguridad sa mga tunghaan subay sab sa nahitabong pagpamusil sulod sa eskwelahan sa siyudad sa Tacloban niadtong nilabay nga semana.
Mao kini ang nahimong resulta sa panagsabot sa kagamhanan sa Dakbayan sa Sugbo ug sa Department of Education (DepED).
Subay sa datus nga adunay 74 ka mga pampublikong tunghaan ang dakbayan diin 44 niini ang adunay mga security guards apan walay metal detectors samtang 30 sab ang walay security ug walay metal detector.
Sa pagkakaron, gipaabot pa ni Archival nga makompleto ang gipangayo niini nga lista kung pila sa matag entrance matag tunghaan aron sab nga masayran kung pila ka mga metal detector ang paliton sa labing daling panahon.
Photo courtesy:Wikipedia
