Gitanyag sa LGU Kabacan ang P100,000 nga pabuya alang sa bisan kinsang makahatag ug kasaligan nga impormasyon nga mosangpot sa pag-ila ug pagdakop sa usa ka tigulang nga lalaki nga giakusahan sa pagdala sa usa ka menor de edad ngadto sa hotel.
Matud sa Kabacan PNP, giduol sa suspek ang biktima nga gitago sa ngalang “Alyas Joan” og nangayo matod pa ug tabang sa pagpas-an sa iyang mga gamit. Apan sa wala damha, gidala hinuon ang bata sa usa ka hotel sa lungsod.
Hinuon, maayo na lang nga nakaikyas ang menor de edad human midagan palayo sa suspek. Sa pagkakaron, nagpadayon pa ang imbestigasyon sa mga otoridad samtang gihangyo ang publiko nga motabang pinaagi sa paghatag ug impormasyon sa Kabacan PNP aron madakpan ang suspek.
