Giklaro sa kanhi host sa telebisyon nga si Mariel Rodriguez-Padilla ngadto sa publiko nga wala kini maapektohi sa kontrobersiya ug mga pagsaway sa iyang bana nga Senador Robin Padilla.
Matud ni Mariel, nga nagpbilin siyang lig-on batok sa mga isyu nga giatubang sa ilang pamilya. Dugang pa, nga wala maapektohi ang iyang pamilya sa mga isyu basi sa mga gilauman sa ubang tawo, sa pagkakaron ang ilang maipakita sa publiko ang dakong pagsalig sa labaw’ng makagagahom.
Sumala pa sa actress, nga iyang gilig-on ang pagtuo sa Diyos nga makatabang kaniya aron magpabiling malig-on taliwala sa kasaba sa politika nga naglibot sa pampublikong kinabuhi sa iyang bana.
Gipadayag usab niya, nga si Robin mismo ang nagtudlo kaniya nga dili hatagan og panahon ang mga negatibong komento ug mga pagsaway.
Photo Courtesy: Fashion Pulis
