Naarerto ang usa ka 41-anyos nga lalaki sa Barangay Eastern Poblacion, Sominot atol sa pagpatuman sa search warrant batok sa paglapas sa Republic Act 10591 o ang Comprehensive Firearms and Ammunition Regulation Act, adlawng Dominggo, Hunyo 28, 2026.
Gikasa ang operasyon sa mga operatiba sa CIDG Zamboanga del Sur Provincial Field Unit, uban sa Sominot Municipal Police Station ug 902nd Maneuver Company, RMFB-9.
Atol sa operasyon, nakumpiska gikan sa suspetsado ang usa ka kalibre 22 nga rifle, usa ka homemade shotgun, usa ka steel shotgun magazine, ug upat ka live 12-gauge shotgun ammunition.
Gidala ang suspetsado ug ang mga nakumpiskang ebidensya sa CIDG Zamboanga del Sur Provincial Field Unit alang sa hustong disposisyon ug pagpasaka sa angayng kaso sa korte.
Photo Courtesy: ZSPPO
