Mipasalig og tabang sa pagpahiluna sa lubong ug uban pang panginahanglanon sa pamilya Dumalte si Barangay Litapan Kapitan Florencia Gulan, human sa makalilisang nga pagpangluba nga nahitabo sulod sa ilang panimalay sa Purok 5, Barangay Litapan, Josefina, Zamboanga del Sur.
Gituohan nga nahitabo ang krimen niadtong Sabado sa gabii, apan nadiskubre lamang ang mga lawas kagahapon sa buntag sa Hunyo 29, 2026, diin anaa na kini sa state of decomposition.
Sa interview sa Juander Radyo News Team, gipahayag ni Kapitan Florencia Gulan nga adunay inisyal nga tabang nga ipahatag ang Local Government Unit sa Josefina alang sa pamilya sa mga biktima.
Sa pagkakaron, napahiluna an gang patayng lawas upat ka biktima nga gilangkuban ni Arlene Dumalte, 44 anyos, usa ka Barangay Health Worker (BHW), ug ang iyang tulo ka menor de edad nga anak—duha ka dalagita nga nag-edad og 13 ug 16 anyos, ug usa ka 12 anyos nga batang lalaki.
Padayon pa ang imbestigasyon sa kapulisan aron mailhan ug madakpan ang responsable sa maong krimen, diin aghatag usab og panawagan si Kapitan Gulan ngadto sa misibat nga suspek.
Una nang giingon sa kapitan nga ang upat ka membro pamilyang Dumalte adto kini usahon paghaya sa may barangay hall alang sa katapusang pagsud-ong sa nahabilin nga nagbangutang kabanay.
