Balhog sa prisohan ang usa ka 54-anyos nga lalaki human nadakpan sa mga otoridad sa dihang kalit kining nagpabuto og armas sa Brgy. San Pedro, San Pablo City sa Laguna niadtong Hunyo 24, 2026.
Sumala sa report sa kapulisan, nasayran nga usa ka mag-uuma sa lugar ang nakadungog og sunod-sunod nga mga buto sa armas ug nakita niini ang suspek.
Tungod niini, dali niya kining gireport sa mga otoridad nga miresulta usab sa dali nga pagkasikop sa suspetsado. Sumala sa inisyal nga imbestigasyon giingon sa suspek nga na-excite siya sa iyang bag-ong pusil ug misulay sa pagpabuto niini.
Sa pagkakaron ang dinakpan uban sa nakumpiskang armas anaa na sa kustodiya sa kapulisan alang sa hustong disposisyon ug mag atubang ug tukmang kaso.
Photo Courtesy: San Pablo CCPS
