Gipasiugda ni Gobernador Juliet Uy nga mas maayong himuong legal ang mga illegal quarry operation aron mamonitor ug mabantayan kini pinaagi sa panagtinabangay sa komunidad ug sa mga otoridad.
Kini ang pahayag sa Gobernador atol sa paghatag og bahin sa kita ngadto sa pipila ka mga barangay sa Lungsod sa Tagoloan Misamis Oriental nga naapil sa mga lugar diin adunay legal nga quarry operation. Matud pa niya, dako ang nahimong benepisyo sa mga barangay tungod sa dugang pondo nga gigamit sa mga proyekto ug kalamboan sa komunidad.
Dugang pa ni Uy, pinaagi sa pagpa-legal sa mga quarry operation, makadugang kini og kita sa lokal nga panggamhanan ug sa mga barangay, samtang mapugngan usab ang ilegal nga pagpangukay nga kasagarang hinungdan sa pagkadaot sa mga dalan ug sa kinaiyahan.
Photo courtesy: Misamis Oriental Provincial Information Office
