Gikumpirma ni suspended Panabo City mayor Jose “Joe” Relampagos ang iyang pagdagan isip gobernador sa probinsya sa Davao del Norte karong umaabot nga 2028 National and local Election. Kini ang iyang gibutyag atol sa gipahigayong interview sa mga sakop sa Juander Radyo Tagum news team, Nobyembre 19, 2026.
Sumala ni Relampagos normal lang kini nga modagan sanglit ulahing termino na niini isip mayor sa syudad sa Panabo ug mas andam usab nga moserbisyo sa katibuk-ang probinsya sa Davao del Norte.
Angayan matud pa nga butangan ang probinsya og haum ug hingkod nga tigdumala tungod dugang pa sa mayor lisud nga ipamaniobra og batan-on ang tibuok DavNor.
Samtang giklaro sa Mayor nga dili sa pag-underestimate sa iyang posible nga makaatbang sa maong posisyon apan ang katawhan na ang maghukom kung unsa ang dangatan kung usa ka linghod sa pagserbisyo ang modumala sa operasyon sa usa ka dakung probinsya.










