Ipatuman ang temporaryong pagsira sa pipila ka dalan sa Tagum City sugod karong Biyernes, Nobyembre 20, 2026, hangtod Enero 3, 2027, isip kabahin sa pagpahigayon sa Giant Holiday Tree Lighting. Lakip sa mga dalan nga temporaryong dili maagian ang J.V. Ayala Avenue, Buaya Road nga atbang sa STI Tagum, ug ang bahin sa City Hall Complex.
Kalabot niini, ipatuman usab ang traffic rerouting scheme aron masiguro ang hapsay nga dagan sa trapiko ug malikayan ang paghuot sa maong mga lugar. Ang mga motorista nga mogawas gikan sa City Hall Complex mahimong moagi sa mosunod nga mga alternatibong ruta:
- City Hall Complex – Buaya Road – 7/11 Apokon Road
- City Hall Complex – Circumferential Road, New City Hall Drive – City Homes
- Circumferential Road, New City Hall Drive – City Homes – Tipaz Road
Giawhag sa mga hingtungdang awtoridad ang tanang motorista nga mosunod sa gipatuman nga rerouting scheme ug makigkooperar sa mga traffic enforcer alang sa kaluwasan ug kahapsay sa trapiko atol sa maong tinuig nga selebrasyon.
Photo Courtesy: LGU-Tagum










