Pinakaulahing celebrity si Barbie Imperial, nga nipahungaw sa iyang kasagmuyo sa iyang bayranan sa kuryente, nunot sa viral nga reklamo sa singer nga si Cacai Mitra bahin sa iyang kaugalingong bayad sa Meralco. Si Imperial mipagawas sa social media niadtong Domingo, Hunyo 28, nga dili siya makatou human makadawat og bayronon sa kuryente nga nagkantidad og dul-an P19,000 alang sa iyang condominium unit.
Ang reklamo sa aktres nitumaw human si Cacai, igsuon ni Regine Velasquez, nipahibawo sa iyang bayranan sa kuryente nga niabot og P94,355.21. Sa sayo pa, si Cacai niingon nga nag-amping na siya sa konsumo sa kuryente sa iyang panimalay ug nipasabot nga ang ilang propyedad usa ka residential home, dili commercial establishment.
Sa ulahi gitubag sa Meralco ang post ni Cacai ug giingon nga ang iyang account giklasipikar nga “high-load service” ug nga ang iyang konsumo sa kuryente nagpabilin sa normal nga range base sa iyang nangaging mga bayranan.
Komento usab sa mga netizens nga ang mga artista mo reklamo man gani kita pa kaha nga walay kwarta, kahibaloan nga dili lang kini ang unang mga higayon nga daghang ni reklamo sa ilang mga bayrunon sa kuryente kay matud pa di maka tarungan ang pagdako sa bayrunon kaysa sa ilang na kunsomo.
Photo Courtesy:X.COM
