Negatibo sa paggamit og ilegal nga droga ang tanang 120 ka mga personnel sa Bureau of Jail Management and Penology (BJMP) Regional Office XII nga miapil sa random drug testing nga gipahigayon human sa regular flag raising ceremony niadtong Hunyo 29 sa BJMP Regional Office XII sa Prime Regional Government Center, Barangay Carpenter Hill, Koronadal City South Cotabato.
Lakip sa gitest ang 85 ka regional personnel ug 35 ka Jail Officer I trainees. Ang specimen collection ug drug testing gipangulohan sa Health Service Division subay sa standard protocols, samtang gibantayan sa mga representante sa Philippine Drug Enforcement Agency (PDEA) ang tibuok proseso aron masiguro ang transparency ug hustong pagpatuman sa kalihokan.
Sumala sa BJMP XII, ang negatibong resulta sa tanang participants nagpakita sa padayon nilang pagpalig-on sa disiplina, propesyonalismo, ug integridad sulod sa ahensya.
Photo Courtesy: BJMP 12
