Nakadawat og ₱45,000 kada usa ang 15 ka mga biyuda sa nangamatay nga MNLF ug MILF members, atol sa humanitarian assistance nga gipahigayon sa opisina ni Bangsamoro Parliament Member ug BARMM Health Minister Kadil Sinolinding Jr. didto sa Kabacan, Cotabato.
Lakip usab sa nakabenepisyo mao ang lima ka retiradong MNLF ug MILF combatants nga pulos mga senior citizen. Ang tumong sa maong ayuda, mao ang pagtabang sa mga pamilya ug sa kanhing mga combatant nga naapektuhan sa armadong panagbangi sa miaging mga tuig.
Gisuportahan ang programa sa mga opisyal sa BARMM ug Cotabato Provincial Government, nga nagpadayon sa paghatag og serbisyo ug tabang sa mga komunidad sa Bangsamoro Special Geographic Area.
Photo Courtesy: Kabacan Cotabato Province
