Gilimas sa mga wala mailhing lalaki ang mga Iphone ug kwarta sa usa ka tindahan sa mga cellphone sa Tagum City sayong buntag sa Hunyo 24, 2026.
Sumala sa tag-iya sa Kate’s Original Gadgets – Tagum Branch, nahitabo ang insidente alas 4:40 sa kaadlawon diin tulo ka mga indibidwal ang misulod sa iyahang tindahan ug gikawat ang mga iPhone nga naka-display sa mga estante, lakip na ang kantidad sa kwarta nga anaa sulod sa maong branch.
Base sa kuha sa CCTV, nakita usab ang usa ka puti nga Toyota Hiace van nga gituohang gigamit sa mga suspek atol sa pagpatuman sa krimen. Apan, wala matino ang plaka sa sakyanan tungod dili klaro nga kuha sa camera.
Sa pagkakaron, nagpadayon ang imbestigasyon sa kapulisan aron mailhan ug madakpan ang mga responsable sa maong pagpanglungkab.
Samtang, nagtanyag ang management sa tindahan og ₱100,000 nga cash reward alang sa bisan kinsang makahatag og kasaligan nga impormasyon nga makatabang sa pag-ila sa mga suspek ug sa pagrekober sa ilang mga gidagit solod sa maong tindahan.
Gipasalig usab sa management nga hugot nga confidential ang identidad sa mga motabang pinaagi sa paghatag og impormasyon ngadto sa mga awtoridad o sa tag-iya sa negosyo.
Video Courtesy : Danica Luengas
