Gi-rescue ang 55-anyos nga lalaki human kini aksidenteng nahulog sa flood control dike sa Purok 4, Barangay Alipao, Alegria, Surigao del Norte. Girespondihan sa Alegria Fire Station kauban ang medical emergency aron luwason ang biktima.
Subay sa impormasyon nakadawat ang Alegria fire station sa tawag alas 3:17 sa hapon. Naabtan ang biktima nga conscious ug responsive sa Barangay Gamuton.
Adunay samad sa tuo nga bahin sa agtang ang biktima. Gihatagan dayon siya og first aid, ug gidala sa Kitcharao District Hospital alang sa medikasyon.
