Opisyal nang gideklara sa Lokal nga Panggamhanan sa Talacogon ang matag Hunyo 8 isip “Rene Clert ‘Bobet’ N. Baterbonia Day”, subay sa resolusyon nga gipasar sa Sangguniang Bayan isip pasidungog sa mitaliwan nga anak sa lungsod nga si Rene Clert N. Baterbonia.
Ang deklarasyon gihimo aron pag-ilhon ug pagpasidunggan ang legasiya ni Baterbonia, nga namatay niadtong Hunyo 8, 2026. Sumala sa Provincial Government of Agusan del Sur, kini nga inisyatiba magsilbing paagi aron mapadayon ang paghinumdom sa iyang maayong ehemplo ug mga nahimo alang sa komunidad.
Gipasiugda usab nga ang maong selebrasyon matag tuig magpabiling pahinumdom sa umaabot nga mga henerasyon sa iyang dedikasyon sa sports, lig-on nga pagtuo, maayong pamatasan, ug sa garbo nga iyang nadala ngadto sa iyang hometown sa Talacogon ug sa tibuok lalawigan sa Agusan del Sur.
Photo courtesy: Provincial Government of Agusan del Sur
