Ipatuman ang mas hugot nga security protocols sa Lokal nga Panggamhanan sa Kabacan sa tanang pampubliko ug pribadong eskwelahan, aron mapalig-on ang kaluwasan sa mga estudyante ug magtutudlo.
Gihimo ang lakang human sa makalilisang nga pagpamusil sulod sa usa ka eskwelahan sa Tacloban City, asa tulo ka menor de edad ang namatay ug daghan pa ang naangol.
Atol sa gipahigayon nga School Security Protocol Meeting, gikasabutan sa LGU, mga school heads, barangay officials ug kapulisan ang pagbutang og security personnel sa mga ganghaan, pagpatuman og usa lamang ka entry ug exit point, inspeksyon sa mga dala sa mosulod sa eskwelahan, ug pagpalig-on sa koordinasyon tali sa mga eskwelahan, barangay ug mga otoridad.
Gipasiugda usab sa LGU nga dako ang papel sa mga ginikanan sa paggiya sa ilang mga anak aron mapreserbar ang kalinaw ug kaluwasan sulod sa mga tulunghaan.
Photo Courtesy: Unlad Kabacan
