Arestado sa mga otoridad ang usa ka lalaki atol sa gipatumang buy bust operation didto sa Sitio Tinimbo, Barangay Poblacion Cateel, Davao Oriental pasado alas alas 7:30 sa gabii, Hunyo 24, 2026.
Ang operasyon gihimo sa mga personahe sa Cateel Municipal Police Station, kauban PDEU/SOT DOPPO, PDEA Region XI ug lain pang mga operatiba nga nagresulta sa pagkasikop ni alyas “Ping”, 51-anyos, minyo, usa ka driver ug lumolopyo sa Purok Gemilina, Barangay Poblacion sa maong munisipyo.
Nakuha gikan sa suspek ang upat ka heat-sealed nga plastic sachet nga sulod sa gituohang shabu, usa ka PHP 500 nga kwarta, usa ka lighter kolor blue, usa ka coin purse, duha ka libo ka pesos, usa ka gatos ka pesos ug upat ka singkwenta pesos. Human sa pagdakop gipahibalo ang dinakpan sa rason sa iyang pagkasikop.
Sa pagkakaron ang mga nakumpiskang ebidensya uban sa akusado anaa na sa kustodiya sa kapulisan alang sa hustong dokumentasyon ug tukmang disposisyon.
Photo Courtesy: Cateel MPS
