Gikonsiderar nga pinakadakong balay sa kalibutan ang Istana Nurul Iman nga nahimutang sa Brunei ug mao usab ang opisyal nga pinuy-anan sa Sultan sa nasud.
Ang maong palasyo adunay 1,788 ka lawak, 257 ka banyo, lima ka swimming pool, usa ka mosque, ug usa ka dakong bulwagan nga makadawat og hangtod 5,000 ka mga bisita.
Naglangkob kini og gibana-banang 200,000 square meters nga luna ug gikatahong mikantidad og mga 1.4 bilyon dolyar ang pagtukod niini.
Matag tuig, giabrihan usab ang palasyo alang sa liboan ka mga bisita atol sa pipila ka espesyal nga kasaulogan aron makigkita sa harianong pamilya.
Tungod sa kadako ug talagsaong mga pasilidad niini, nailhan ang Istana Nurul Iman isip labing dakong pinuy-anan sa kalibutan.
Photo Courtesy: The Financial Express
