Nadakpan sa mga otoridad ang usa regional top priority drug personality atol sa gipatumang buy bust operation didto sa Purok Bayanihan, Barangay Sainz, Mati City, Davao Oriental pasado alas 3:15 sa hapon niadtong nakalabay nga adlaw.
Ang operasyon gihimo sa mga personahe sa Mati City Police Station, kauban ang PIU-DOPPO ug PDEA nga miresulta sa pagkasikop ni alyas “Soy,” 33-anyos, driver.
Nakumpiska sa mga kapulisan gikan sa suspek ang gibana banaang kapin 128.30 gramos sa gituohang shabu ug adunay standard drug price nga P872,440.00. Lakip sa nasakmit ang buy-bust money, digital weighing scale, improvised drug paraphernalia, mga walay sulod nga cellophane, ug ubang personal nga mga butang maykalabotan sa maong operasyon.
Sa pagkakaron ang dinakpan anaa na sa kustodiya sa kapulisan alang sa tukmang disposisyon ug mag atubang sa kasong paglapas sa RA 9165 kun Comprehensive Dangerous Drugs Act of 2002.
Photo Courtesy: Mati CPS
