Nadakpan sa kapulisan ang usa ka Indian national atol sa inteligence driven anti-smuggling operation sa may Barangay Poblacion, Dinas, Zamboanga del Sur adlaw’ng Sabado, Hunyo 13, 2026.
Gikasa ang operasyon sa pagpanguna sa Dinas Municipal Police Station, mga kasundalohan sa 53RDIB, ug intelligence operative nga miresulta sa malampusong operasyon.
Nabawi sa operasyon ang napulo ka master cases sa giingong smuggled cigarettes nga walay BIR tax stamps ug graphic health warning labels, nga adunay gibanabang kantidad nga kapin ₱573, 000.
Narekober usab sa mga otoridad ang P1000 bill nga gigamit isip marked money lakip ang 49 nga tig P1,000 nga nagsilbing boodle money nga gigamit sa operasyon.
Ang suspetsado anaa na karon sa kustodiya sa Dinas Municipal Police Station samtang gihulat na ang legal nga proseso nga ipasaka batok sa dinakpan.
Photo Courtesy:ohchr
