Nakompleto sa Manila International Airport Authority (MIAA) ang pagpalit sa 61 ka ektaryang yuta nga giatangan sa NAIA Terminal 3 gikan sa Bases Conversion Development Authority (BCDA) sa kantidad nga P48 bilyon.
Sumala sa MIAA, ang maong pag-angkon sa yuta kabahin sa ilang plano nga mapalapad ang kapasidad sa airport ug mapaayo ang serbisyo alang sa nagkadaghang mga pasahero sa nasudnong ganghaan.
Ubos sa kasabotan, P10 bilyon ang gibayad isip down payment samtang ang nahibiling kantidad bayran sulod sa 15 ka tuig.
Samtang, gipadayag sa BCDA nga ang kita gikan sa transaksyon gamiton alang sa pagpondo sa mga proyekto sa imprastruktura ug uban pang programa nga makatampo sa kalamboan sa nasud.
Photo Courtesy: Inquirer.net
