Nagpadayon pa ang enrollment sa tanang pampublikong tulunghaan alang sa School Year 2026-2027, sumala sa Department of Education (DepEd) Region 9.
Matod ni DepEd 9 Regional Director Ronelo Al K. Firmo, kun basehan ang datos sa early enrollment wala pa nila nakab-ot ang target enrollment sa Zamboanga Peninsula.
Malaumon si RD Firmo nga sa dili pa pa matapos ang bulan sa Hunyo makab-ot na nila ang target gumikan napa enroll na sa mga ginikanan ang tanan nilang tinun-an.
Samtang, giawhag sa DepEd ang mga ginikanan ug guardians nga magpa-enroll na sa ilang mga anak aron malikayan ang pagdagsa sa mga magpa-enrol sa ulahing mga adlaw sa enrolment period.
Pinaagi sa padayon nga enrollment, gitinguha sa DepEd nga masiguro ang hapsay nga pagsugod sa klase ug ang tukmang pag-andam sa mga eskwelahan alang sa bag-ong school year.
