Natala sa lalawigan sa Zamboanga del Sur ang pito ka dengue fatalities sulod sa unang kwarter sa tuig 2026, diin kadaghanan sa mga namatay mga bata nga nag-edad og 1 hangtod 10-anyos.
Kini segon sa gibutyag ni Kurt Bryan Larubis, Nurse-I sa Integrated Provincial Health Office (IPHO) Zamboanga del Sur atol sa gipahigayong media forum may kalabutan sa Dengue Awareness Campaign.
Gidugang ni Larubis, ang mga nagpangidaron ug 1-10 years old mao gihapon ang pinakadaghan sa mga natala nga suspected, probable ug confirm cases sa 2026.
Nagpakita matod pa kini sa panginahanglan sa mas hugot nga pagpatuman sa mga lakang batok sa dengue ilabina sa mga kabataan nga usa sa labing delikadong sektor nga matakdan sa sakit.
Alayon niini, padayon nilang gipahugtan ilang dengue awareness campaign sa tanang munisipalidad aron mapabilin ang kalimpyo ug maguba ang mga breeding sites sa lamok nga mahimong kapuy-an sa dengue.
Samtang, giawhag usab niya ang mga ginikanan nga dalhon dayon sa health facility ang ilang mga anak kon adunay sintomas sama sa taas nga hilanat ug grabeng kaluya aron dili mosangpot sa kamatayon.
