Nagpadayon ang paspas nga paglihok sa Department of Social Welfare and Development (DSWD) Field Office Caraga aron matabangan ang mga pamilyang naapektuhan sa kusog nga magnitude 7.8 nga linog sa Region XII.
Ubos sa pagpanguna ni Regional Director Mari-Flor Dollaga, aktibong gipalig-on sa DSWD-Caraga ang relief operations aron masiguro nga makaabot dayon ang ayuda ngadto sa mga komunidad nga labing nanginahanglan.
Gikan sa Mindanao Disaster Resource Center (MDRC) ug DSWD Field Office Caraga, gipadala na ang dugang nga humanitarian supplies alang sa mga biktima sa kalamidad. Lakip sa mga gipanghatag mao ang:
• 20,000 ka Family Food Packs (FFPs)
• 380 ka Water Filtration Kits
• 289 ka Family Clothing Kits
• 450 ka Sleeping Kits
• 87 ka Family Tents
Samtang ang ubang augmentation support nagbiyahe na padulong sa Region XII, ang uban usab kasamtangang giandam ug gi-load alang sa dali nga deployment.
Padayon nga gipaningkamotan sa DSWD nga mahatagan og hustong suporta ug tabang ang matag pamilya nga naapektuhan sa maong kalamidad.
Photo courtesy: DSWD Field Office Caraga
