Dakpan ang usa ka Street-Level Individual sa Davao de Oro Police Provincial Office, pinaagi sa Montevista Municipal Police Station, uban sa Provincial Drug Enforcement Unit ug 1st Davao de Oro Provincial Mobile Force Company, atol sa buy-bust operation nga gipahigayon sa Barangay San Jose, Montevista, Davao de Oro mga alas-10:28 sa gabii niadtong Hunyo 4, 2026.
Nailhan ang dinakpan nga alyas “Goryo,” 29-anyos, usa ka mamumuo ug residente sa Montevista. Ang maong individual gisikop tungod sa giingong paglapas sa Republic Act No. 9165 o Comprehensive Dangerous Drugs Act of 2002.
Narekober sa operasyon ang mga gidudahang ilegal nga droga, minarkahang buy-bust money, ug mga drug paraphernalia.
Sa pagkakaron, anaa na sa kustodiya sa Montevista Municipal Police Station, ang suspek alang sa hustong disposisyon ug pagsaka sa angay nga mga kaso batok kaniya.
Photo Courtesy: Montevista Municipal Police Station
