Mokabat sa 1,486 ka kapulisan gikan sa Police Regional Office-13 ang gi-deploy sa tibuok Caraga aron masiguro ang kalinaw ug kahapsay sa pagbukas sa klase karong adlawa Hunyo 8,2026.
Magtukod usab og 202 ka Police Assistance Desks duol sa mga eskwelahan aron dali matubag ang mga panginahanglan sa mga estudyante ug ginikanan.
Sumala kang Police Major Jennifer Ometer, nagkahiusa ang kapulisan, mga eskwelahan, lokal nga kagamhanan ug transport groups aron malikayan ang bisan unsang insidente sa pagsugod sa School Year 2026-2027.
Gimando usab ni PRO-13 Director PBGen Marcial Magistrado IV ang presensya sa tanang police commanders ug chiefs of police sa ilang mga lugar.
Gihangyo sa kapulisan ang publiko nga magpabiling mabinantayon ug dayong ireport ang mga kadudahang kalihokan ngadto sa pinakaduol nga police officer o pinaagi sa 911 emergency hotline aron mapadayon ang seguridad sa komunidad.
