Wala na kaikyas pa sa mga otoridad ang usa ka indibidwal human nadakpan sa gikasang operasyon pasado alas 10:40 sa buntag niadtong nakalabay nga adlaw didto sa Manay, Davao Oriental.
Ang dinakpan gikonsidera nga Top 8 Regional Level Most Wanted Person tungod sa kasong Qualified Statutory Rape ilalom sa Criminal Case No. 9486-24 ug ang warrant of arrest giisyu sa Regional Trial Court, Mati City ug walay pyansang girekomendar ang korte.
Napatuman ang maong operasyon pinaagi sa pagpanguna sa mga personahe sa Manay Municipal Police Station, uban sa koordinasyon sa Provincial Intelligence Unit, DOPPO-PIDMU Tracker Team, 1st DOPMFC ug RMFB 11.
Gipasabot ang dinakpan sa rason sa iyang pagkasikop pinaagi na sa pinulongan nga iyang nasabtan ug nahibal-an. Sa kasamtangan gikustodiya na ang akusado sa Manay Municipal Police Station alang sa tukmang disposisyon.
Photo Courtesy: Manay MPS
