Gisugdan na sa mga accredited contractors sa Davao Light sa ilang house-to-house meter checks ug data gathering sa nagkalain-laing lugar sa Davao del Norte, isip kabahin sa padayon nga transisyon sa operasyon sa distribusyon sa kuryente sa lalawigan.
Sumala sa kompanya, ang maong kalihokan naglakip sa inisyal nga pagbasa sa metro ug pagkuha sa mga importanteng impormasyon aron masiguro ang tukma ug patas nga billing sa mga konsumidor.
Gipahigayon ang mga pagbisita sa mga panimalay aron matigom ang gikinahanglang datos nga makatabang sa hapsay nga pagbalhin sa serbisyo ug pagdumala sa mga account sa mga kostumer.
Giawhag usab ang publiko nga makigtambayayong sa mga awtorisadong personnel sa Davao Light ug sigurohon nga ang mga nagbisita adunay tukmang identification cards aron malikayan ang posibleng panikas ug mapadayon ang luwas nga implementasyon sa programa.
Photo Courtesy : Davao Light and Power Co.
