Mamahimo na nga makapahimulos sa mag serbisyo sa laboratoryo ang mga pasyente sa Bantayan District Hospital sa Isla sa Bantayan kini human nahimo na nga 24 oras nga bukas ang maong pasilidad.
Matod ni Maria Concepcion Escario Sosobrado, Medical Technologist II sa naasoy nga balay tambalanan, kaniadto, office hours lang ang operasyon sa laboratoryo diin tungod kin isa kakulang sa mga tawo sa laboratory. Dugang niya nga karon, 13 na ang mga medtech sa laboratory kinsa nag puli-puli sa duty.
Kini human gidugangan sa Probinsiyal nga Kagamhanan sa Sugbo, ang kaniadto 3 lang ka mga medtech. Maoy hinungdan nga mas naibanan ang kahasol sa mga pasyente kung kinhanglan sila magpalaboratory.
Dugang ni sosobrado nga dakong tabang ang maong kalamboan dili lang sa mga kawani sa ospital apan ilabina sa mga pasyente nga di na kinahanglan muadto og layo ug di na makagasto og dako panahon nga kinhanglan magkinhanglan sa maong mga serbisyo sa laboratory.
Photo courtesy: Cebu Province
