Mibisita sa lalawigan sa Zamboanga Sibugay si PBGEN Dennis Esguerra isip bag-ong Regional Director sa Police Regional Office 9. Ang maong pagbisita kabahin sa iyang unang mga lakang sa pagpangumusta ug pagpalig-on sa kampanya batok sa kriminalidad sa rehiyon.
Atol sa iyang pagbisita, personal nga nakighinabi si PBGEN Esguerra sa mga lokal nga opisyal, kapulisan, ug mga stakeholder sa Zamboanga Sibugay. Gipadayag niya ang iyang tinguha nga mapalig-on pa ang seguridad sa rehiyon pinaagi sa mas istriktong implementasyon sa balaod, dugang nga presensya sa kapulisan sa komunidad, ug mas aktibong pakigtambayayong sa publiko.
Gipasalig usab sa bag-ong Regional Director nga iyang paningkamutan ang pagpa-ubos sa kriminalidad, ilabi na ang ilegal nga droga, online scams, ug uban pang kalapasan sa balaod. Matod niya, dako ang papel sa kooperasyon sa komunidad aron mas mapadayon ang kalinaw ug kaluwasan sa matag lungsod ug barangay sa Zamboanga Peninsula.
Photo Courtesy:PNP Police Regional Office 9
