Sikop sa mga operatiba sa Philippine National Police–Highway Patrol Group (PNP-HPG) ang usa ka indibidwal nga dugay nang gipangita sa balaod tungod sa kasong Estafa niadtong nakalabay nga adlaw sa dakbayan sa Tandag.
Ang malampusong operasyon gipahigayon sa Tracker Team sa Provincial Highway Patrol Team (PHPT) Surigao del Sur, ubos sa pagdumala sa Regional Highway Patrol Unit 13 (RHPU 13).
Matod sa report, gihimo ang pagsilbi sa warrant of arrest subay sa pagpatuman sa Letter of Instructions (LOI) Manhunt Charlie ug pinasikad sa intelligence information. Ang maong warrant gi-isyu sa Municipal Trial Court in Cities (MTCC) sa Tandag City tungod sa paglapas sa Article 315, Paragraph 2(a) sa Revised Penal Code (Estafa).
Girekomenda sa korte ang Bail bond / piyansa nga Php 18,000.00 alang sa temporaryong kagawasan sa suspek samtang nagpadayon ang kaso.
Kasamtangang anaa na sa kustodiya sa mga otoridad ang dinakpan alang sa hustong dokumentasyon ug disposisyon.
photo courtesy: PNP Highway Patrol Group
