Nadakpan ang usa ka 46-anyos nga mananagat atol sa pagpatuman sa search warrant sa Barangay Bubual, San Pablo, Zamboanga del Sur niadtong nakalabay nga adlaw.
Gihimo ang operasyon pinaagi sa hiniusang pwersa sa San Pablo Municipal Police Station ug 2nd Zamboanga del Sur Provincial Mobile Force Company base sa search warrants nga giisyu sa Regional Trial Court, Pagadian City.
Ang search warrant may kalabutan sa gikaingong paglapas sa Comprehensive Dangerous Drugs Act of 2002 kon RA 9165 ug Comprehensive Firearms and Ammunition Regulation Act kon RA 10591.
Na-recover sa mga awtoridad ang siyam ka sachet nga adunay gituohang shabu, duha ka improvised glass pipe, usa ka kawayan nga gigamit isip sealer, usa ka ointment container ug usa ka plastic straw nga gigamit isip improvised funnel.
Ang tanang nakumpiska nga ebidensya gidala ngadto sa Provincial Forensic Unit alang sa laboratory examination.
Samtang ang dinakpan nga suspetsado nakakustodiya sa San Pablo Municipal Police Station ug giandam na ang tukmang mga kaso batok kaniya.
Photo Courtesy: ZSPPO-PIO 9
