Na sin descanso operacion contra illegal droga del maga otoridad, otro ya tambien Laborer ya sale arestao durante el Anti-illegal Drug Buy-bust operation del SDET del PS-3 Sangali, huntu el CDEU-ZCPO y S2-RMFB9 na na Purok 1, Barangay Sangali en este ciudad.
Con el suspechao ya identifica como si Ryan Bartolome Ejiansantos alyas “CHANAK” 44-anyos soltero y residente del mencionao lugar.
Na mencionao operacion exito ya puede confisca con el suspechao balor Php20,400.00 de alegao shabu inclujido el buy-bust money.
Mientrastanto el maga alegao shabu ya lleva na ZCFU9 para el propio examinacion mientras el suspechao detenido na mencionao estacion del pulis y esperansao hay emfrenta el caso bajo na acto republica 9165 o mas conocido como the comprehensive dangerous drugs act of 2002.
