Gipahigayon karong adlawa, Hunyo 4, 2026, ang Job Fair sa ZN Convention and Exhibition Center nga magtanyag og gatusan ka mga bakanteng trabaho gikan sa nagkalain-laing sektor ug industriya.
Pangunahan ang kalihokan sa Probinsyal nga Pangagamhanan sa Zamboanga del Norte pinaagi sa Public Employment Service Office (PESO) ug sa pakigtambayayong sa Department of Labor and Employment (DOLE).
Lakip sa gipangita nga mga aplikante mao ang Certified Public Accountants (CPA), geodetic engineers, civil engineers, mechanical engineers, electrical engineers, electronics engineers, nurses, IT professionals, managers, welders, electricians, carpenters, auto mechanics, heavy equipment operators, drivers, sales personnel, cooks, baristas, cashiers, delivery riders, ug uban pa.
Atol sa nahisgutang kalihokan, magtanyag usab og libreng serbisyo ug customer assistance ang mga partner agencies sama sa SSS, Pag-IBIG Fund, PhilHealth, DTI, TESDA, DICT, ug Philippine National Police (PNP) aron mas mapadali ang mga panginahanglanon sa mga aplikante.
Ang pagpahigayon sa maong kalihokan gitan-aw nga usa sa mga lakang aron mahatagan og kahigayonan ang kabatan-onan, bag-ong graduates, ug mga nangitag bag-ong trabaho, nga makabaton og igong income alang sa ilang pamilya ug aron na usab mapakunhod ang kalisod sa probinsya.
Photo Courtesy: ZN Provincial News Network
