Nagpadayon ang Palarong Pambansa 2026 sa Agusan del Sur, diin nasakmit ang tulo ka bulawang medalya sa mga atleta sa Davao Region.
Base sa impormasyon, nakakuha og gold ang atleta nga si Romarito Maquiling sa Swimming Elementary Boys – 50m Breaststroke gikan sa Nangan Elementary School – DepEd Schools Division of Davao Oriental.
Samtang una nang nidaug og gold si Lysjane Timbal, nga giila usab nga New Palarong Pambansa Record Holder sa Athletics – 2000m Walkathon gikan sa Ulip NHS – DepEd Division of Davao de Oro.
Nakakuha na usab og gold si Hadassah Ria Literatus gikan sa Doña Carmen Denia National High School, Davao City sa Secondary Girls Individual Blitz Chess.
Dugang pa niini, gitinguha usab sa grupo nga magkampeyon sa maong sporting event tungod buot nila nga makauli sa Davao Region nga daghang bitbit nga bulawan.
Sa karon, ang Davao Region anaa na sa Rank 11 samtang nanguna ang NCR (National Capital Region) nga adunay 28 ka gold, 12 ka silver ug 17 bronze medals, ang Davao Region mikamada og 3 ka gold, 9 ka silver ug 5 ka bronze.
Photo Courtesy: DEPED XI
