Hinay-hinay nang nakabangon ang ubang vendors human sa kalamidad tungod sa suporta nga ilang nadawat gikan sa lokal nga kagamhanan pinaagi sa opisina sa CSWD. Adunay mga nakadawat og pinansyal nga tabang samtang ang uban nakapahimulos sa programa sa pagpahulam pinaagi sa kooperatiba ubos sa CDLO.
Sa pagkakaron, makita nga daghan na sa mga vendors ang nakabalik sa ilang negosyo ug nakapadayon na usab sa pag-apil sa night market. Apan bisan pa niini, aduna gihapoy pipila ka labing apektado nga vendors nga wala pa makabalik sa ilang panginabuhian.
Matod ni Economic Enterprise Development Management Office Head Richie Rubio, nagpadayon ang paningkamot sa lokal nga kagamhanan aron masuportahan ug matabangan pa ang mga nahibiling apektado nga makabangon pag-usab.
