Kapin sa 812 ka mga atleta, coaches ug officials gikan sa Zamboanga Peninsula ang misalmot sa grand opening ceremony sa ika-66 nga Palarong Pambansa nga gihimo sa Datu Lipus Makapandong Governor D.O. Plaza Sports Complex sa Prosperidad, Agusan del Sur.
Ang contingents sa Rehiyon 9 gipangulohan ni DepEd 9 Regional Director Dr. Ronelo Al Firmo, diin mapasigarboong gidala sa grupo ang bandera sa rehiyon alang sa National competition. Andam na karon ang Team Zamboanga Peninsula Sharks sa pagpakita sa ilang talento, disiplina ug sportsmanship batok sa labing maayong mga batang atleta gikan sa nagkalain-laing rehiyon sa nasud.
Ang 66th Palarong Pambansa mulungtad hangtod Mayo 31 nga nagdala sa tema nga “Unlocking the Future Through Sports,” nga nagpunting sa importansya sa sports sa paghulma sa kabatan-onan.
Gilauman usab nga makadala ug dungog ang Region 9 sa lain-laing sporting events atol sa National competition.
