Boluntaryong gitahan sa wala nagpaila nga residente sa Brgy. Don Salvador, Mati City ang usa ka improvised shotgun o mas nailhang Bukakang pasado alas 10:30 sa buntag niadtong nakalabay nga adlaw.
Base sa report, usa ka barangay official nga si Kagawad Rogelio Dizon ang mitaho sa boluntaryong pagtugyan sa maong armas nga walay bala. Una niini, gilayong giberipika sa mga personahe sa Mati City Police Station ang maong taho.
Sa pagkakaron, ang armas nga gitugyan anaa na sa kustodiya sa Mati City Police Station alang sa hustong dokumentasyon ug disposisyon.
Samtang, gi-awhag ang publiko nga kung adunay mga makit-an nga armas gilayong makigkoodinar sa kapulisan ug itugyan aron nga mapadayon ang kalinaw ug kaluwasan sa komunidad.
Photo Courtesy: Mati CPS
