Napahigayon ang Blood Letting Activity sa Barangay Libasan, Nabunturan, Davao De Oro niadtong nakalabay nga adlaw, uban sa paningkamot sa Department of Health (DOH), RHU Nabunturan ug mga medical personnel aron makatigom og dugo alang sa mga nanginahanglan niini sa komunidad.
Matod ni Ms. Jemma Nario Pagpaguitan ang nurse assigned sa barangay ug deployed sa DOH, atol sa pag-interview sa Juander Radyo News Team nga dako ang kaayohan sa pagdonar og dugo dili lamang sa komunidad kondili usab sa kahimsog sa donor.
Nasugdan ang maong programa alas-8 sa buntag hangtod alas-11 sa buntag sa maong adlaw aron ma-proseso dayon ug madala sa Davao Regional Medical Center Blood Bank ang nakolektang dugo.
Napasabot usab ni Pagpaguitan nga adunay mga kondisyon nga ginatan-aw una sa dili pa tugotan ang usa ka tawo nga makadonate og dugo.
Giawhag sab health workers ang tanang residente nga mahimong regular blood donors aron adunay andam nga supply sa dugo panahon sa emerhensya.
