Nakabawi ang Barangay Ginebra human nila mapildi ang Rain or Shine Elasto Painters, 109-101, sa Game 2 sa PBA Commissioner’s Cup Semifinals sa Mall of Asia Arena aron mapantay ang serye sa 1-1.
Nanguna sa kadaugan si Justin Brownlee nga nakarekord og 31 puntos, uban sa dakong tabang nila ni RJ Abarrientos ug Japeth Aguilar aron mapadayon ang abante sa Gin Kings.
Bisan nakahimo og kusog nga rally ang Rain or Shine sa fourth quarter gikan sa 20-point deficit ug nakapaduol sa 101-97 pinaagi sa 19-3 nga run, dili gihapon kini igo aron makab-ot ang kadaugan.
Alang sa Elasto Painters, si Adrian Nocum maoy nanguna nga scorer nga adunay 20 puntos, samtang sila si Jhonard Clarito ug import Jaylen Johnson nakadugang og 19 puntos matag usa.
Tungod sa resulta, mas gilauman pa nga mahimong mas mainiton ug kompetitibo ang sunod nga Game 3 sa serye.
Photo Courtesy: Inquirer.net
