Dakpan ang duha ka drug suspek atol sa gilusad nga buy-bust operation sa kapulisan, sa Nueva corner Zabala Street, Barangay Taft, dakbayan sa Surigao.
Gikasa ang operasyon sa Drug Enforcement Unit sa Surigao City Police Station kauban ang 1st Surigao del Norte Provincial Mobile Force Company ug PDEA Regional Office 13 mga alas 2:30 sa hapon.
Naila ang mga nadakpan nga sila alyas “Budoy,” 57-anyos, minyo ug engine mechanic, ug usa ka 34-anyos nga ulitawo nga nagatrabaho isip tricycle driver. Pareho silang residente sa Barangay Taft, Surigao City.
Base sa report sa kapulisan, narekober gikan sa mga suspek ang usa ka pakete sa gituohang shabu nga napalit sa poseur buyer ug unom pa ka pakete sa gituohang shabu nga gibana-bana motimbang og usa ka gramo nga adunay kantidad nga P6,800.
Gitakdang pasakaan sa tukmang kaso ang duha ka suspek samtang gikustodiya na sa kapulisan alang sa tukmang disposasyon.
