Muerto si Onlee Ladjaanang, 26 anios soltero, mientras herido si Kamarudin Basirun Kannama, 25-anios soltero, ambos temporariamente ta esta na Barangay Sta. Maria, y nativo estos des Del Isabela City Basilan, este despues anda con estos tira el suspechao ya conuse amo si Kent Davy Falcasantos Enriquez, 25 anios soltero, des del Barangay Boalan.
Mientrastanto na imbestigasyon ta aparece, antes pa segun ocuri el insidente, ta man tomahan segun al ambos partido na un tienda locao na mencionao barangay, donde ya tene segun estos calliente argumento, y derefente ya lang ya anda el suspechao tira con el maga victima, usando el un calibre 45, mientras herido tambien el suspechao despues supla con estw botelya el companiero del maga victima.
Ademas insiguidas tambien ya responde el de atun otoridad na lugar del insidente, y exito ya puede aresta cone el susepchao na mismo tiempo, donde el suspechao na custodia ya ahora del Police Station 11 central para na propio dispositio.
