Nagtanyag ang Asian Development Bank (ADB) og 1.75-billion-dollar nga financial support alang sa Pilipinas, aron matabangan ang nasud batok sa epekto sa nagpadayong tensyon sa Middle East.
Sumala sa report, ang kagubot sa maong rehiyon, nakaapekto sa presyo sa produktong lana ug enerhiya sa tibuok kalibutan nga mahimong mosangpot sa pagsaka sa presyo sa mga palaliton ug dugang galastohan sa transportasyon ug kuryente.
Matod pa sa ADB, ang maong pondo, mahimong gamiton sa gobyerno alang sa economic recovery programs, energy security ug uban pang lakang, aron maprotektahan ang ekonomiya, ug matabangan ang mga Pilipino batok sa epekto sa krisis sa kalibutan.
Photo Courtesy: Simple Wikipedia
