Naalarma ang City of Talisay Traffic Operations and Development Authority sa mga nakalas sa aksidente sa kadalanan human nitala og lima ang namatay ang dakbayan sulod lang sa unang tulo ka bulan niining tuig 2026.
Gibutyag ni CTTODA head Jonathan ‘’Joy’’ Tumulak nga “alarma” ang maong datus—usa sa Enero ug tag-duha sa Pebrero ug Marso—sanglit kaniadto, moabot lamang sa walo ngadto sa 12 ang kinatibuk-ang casualty sa tibuok tuig.
Giila ni Tumulak nga ang pagmaneho nga hubog o drunk driving ang nag-unang hinungdan sa maong mga trahedya, dungan sa pag-angkon nga bugtong usa lamang ka breath analyzer ang kasamtangang magamit sa ilang operasyon luyo sa 10 ngadto sa 15 ka aksidente nga matala matag adlaw.
Agig tubag, gikatakdang mopahigayon og serye sa mga seminar ang ahensya alang sa mga drayber karong hinapos sa Mayo, lakip na ang pagbansay sa mga emergency vehicle operators gikan sa 22 ka barangay aron maseguro nga bisan ang mga rescue vehicles mosunod gihapon sa balaod sa trapiko ug malikay sa dugang disgrasya.
Photo courtesy: City of Talisay Traffic Operations & Development Authority
