Andam na ang Filipino-American singer nga si Jessica Sanchez alang sa iyang dakong homecoming concert nga “Jessica Sanchez: Live in Manila” sa Mayo 16, 2026 sa Smart Araneta Coliseum.
Gilauman nga mapuno ang “Big Dome” samtang mobalik sa entablado sa Pilipinas ang maong international singing sensation human sa iyang makasaysayanong kadaugan sa America’s Got Talent. Nailhan si Sanchez isip runner-up sa American Idol sa edad nga 16, ug mas misikat pa human makadaog sa AGT diin nakadawat usab siya og Golden Buzzer gikan ni Sofia Vergara.
Mas nahimong exciting ang maong concert tungod sa pag-apil sa dagkong pangalan sa OPM sama nila Vice Ganda, Darren Espanto, Gary Valenciano, Regine Velasquez, Martin Nievera, Morissette ug James Reid isip espesyal nga mga bisita sa show.
Sumala sa concert producer nga adunay pito ka ticket categories alang sa concert, sugod sa P1,250 hangtod P12,000. Anaa usab ang meet-and-greet package para sa mga fans nga gustong makigkita ug personal kang Sanchez.
Gilauman nga mahimong usa sa pinakadakong musical events karong tuiga ang concert ni Sanchez, ilabi na kay kini iyang unang major solo concert sa Pilipinas sukad 2019.
Photo Courtesy: EntertainmentNow
