Nasakmit sa mga personahe sa Carmen Municipal Police Station ang lain-laing klase sa smuggled nga sigarilyo nga nag kantidad og ₱7,000,000 atol sa gilusad nga operasyon, karong adlawa, Mayo 7, 2026 sa baybayon sa Purok 3, Baylanon, Barangay Cahayagan, Carmen, Agusan del Norte.
Sumala sa kapulisan, ang operasyon gihimo human sa nadawat nga impormasyon gikan sa usa ka concerned citizen bahin sa gituohang pag-unload sa kadudahang kargamento gikan sa usa ka pump boat.
Dali usab nga miresponde ang mga operatiba sa maong lugar, sa pagpanguna ni PLT Dennis C Lozada, DCOP, under the supervision of PLT Harold L Chua, Officer-in-Charge of Carmen MPS, ug nadiskubre ang mga container vans nga adunay sulod nga gituohang smuggled nga sigarilyo nga gibiyaan na lamang.
Nasakmit sa operasyon ang 155 master cases sa assorted cigarettes ug tulo ka delivery vehicles.
Sa karon, ang mga nakumpiskang ebidensya anaa na sa kustodiya sa Carmen MPS alang sa tukmang dokumentasyon ug disposisyon, samtang padayon ang imbestigasyon aron mailhan ang mga responsable ug mapasaka ang angay nga kaso batok kanila.
Photo courtesy: Carmen MPS
