Nakangkon ug samad sa kalawasan ang duha ka driver nga giilang si alyas “Boboy” 50-anyos, tricycle driver ug residente sa Brgy. Cambalading, Albuera, Leyte ug si alyas “Dexter” 28-anyos ug residente sa Brgy. Maybog, Baybay, Leyte. Human gisungag sa motorsiklo ang luyo nga bahin sa sidecar didto sa national highway sa Sitio Wangag, Brgy. Damula-an, Albuera, Leyte, pasado alas 6 ang takna sa buntag niadtong unang adlaw.
Sumala sa inisyal nga imbestigasyon, nga sumala sa drayber sa sidecar, nagmaneho siya sa highway padong sa Brgy. Damula-an, Albuera, Leyte, diin misulay pag overtake ang motorsiklo, nga kusog ug padagan samtang nagyahe sa pareho nga direksyon luyo sa sidecar.
Tungod niini, nabangga sa motorsiklo ang likod nga bahin sa sidecar, hinungdan sa aksidente, nga miresulta sa pagka angol sa duha ka driver.
Dali nga gidala ang duh aka driver ngadto sa Ormoc District Hospital para sa atensyon medikal. Samtang, gidala usab ang mga sakyanan ngadto sa Albuera Municipal Police Station alang sa tokmang disposasyon.
Photo Courtesy:Wikipedia
